Bä ca Denis a ghinlu a mong

Pyinhtit Khaw ghung m’htei ca Christu kum (3) ung Italy ghunkhaw Roma Mangkhaw ah ng’ tüi ki. Christu kum (250) ung Papa Shangpughang Fabian noh Bä ca Denis lah a hei k’Taigü Mang k’chuk cu Khanpughü ah monglam a mi m’thei m’kan thähla vai ah Pyinhtit khaw ah tüi gui ci. A cun nung Bä ca Denis cu Paris Manggo ung mapibäih ne Taigü Mang ah kia lo k’ki. Bä ca Denis lah a po k’Taigü Mang gui cu chang gui ah m’lung k’nga ng’thong ng’hlat khai ah ci hnging ki gui ah kia hleih a mi hnguh hmat gong ne ng’zo khaw m’shümchuk ki gui ah k’taigü gui noh nga mi ah hu läk gui noh bä ca Denis lah a po gui k’Taigü Mang gui lam ah a mi m’lung nga a ng’ hlah vai ng’ä ki ki gui. Ng’zo khaw m’shümchuk ki gui ah k’taigü gui ah tawktap nak awn Roma ghunkhaw mang gui noh Khanpughü ah mong lam bi ki gui a van pha gui a mi chum gui ah kia k’ki. thawng khui kiawng ah a k’sho a mi tha gui kon ah bä ca Denis lah Catholic k’Taigü Boi k’hngih cu a mi luk’kie ung m’chünpit neh a mi ngon gui ah kia k’ki. Ngami gui a mi ghon nak a ukku ung Taigü Boi gui ah om nak vai kiawng co u neh a cun ah kiawng cu Pyinhtit shangpughang gui a mi k’phuh nak ah hngün ah kia lo k’ki. A ni cu Christu kum Pya m’ku lah k’hmakip (250) ung Pyinhtit Ghunkhaw, Montmartre ung shik k’ca kia k’ki.