Bawiphaya Nicholas Khui Shing Tam kavai k’taigü nak

Kyüihta parish ung om neh Khanpughi ah bi bi tu te ciah Bawiphaya Nicholas Khui Shing Tam cuh khanpughi noh chü ba hleih ani ah ng’müm cha kavai bü ceng neh k’taigü nak peit cuh Kihta pigo mät ung October k’cha a k’chuk nak ung bi ci gui a kya ci. Bawiphaya ng’Law Ki, Bawiphaya Mang Ha lah tuhchü om ciah Bawiphaya Ling Maung ni noh Khong mang neh k’taigü ci gui. Kihta parish k’om yumtumbum lo tu hnging ci gui lo tu u neh k’taigü nak ung k’chang phya vai lo ci gui ah kya ci. Bawiphaya Khui Shing Tam a ng’müm cha Khanpughi noh Khanmopi a k’coi ah m’om tu hlä ci ah kami k’taigü ci nei. Lo neh k’taigü lo tu ci gui phih ami bä ni.