Bä ca Mateiu ah mong
Boi Yesu ah hlu läk ka phih kia ne ng’thuk k’ni gui phih guk ca Mateiu cu Israel khaw Caperanaum ci ah Manggio ung ng’tüi ca kiak’ki. A ni cu ngui k’phlam lok ca chang tumat a phih kia k’ki. Khaw ng’hngup ä tung k’plam a loh nak a pyü hta ung bi abi za hung Boi Yesu noh a hngu nhgu ne tah a läk vai ah chü hleih Mateiu cu sheng neh ng’ düi lo ne a k’om phung a shüm ko a khaoh tang gui nong ghüt ne Boi Jesu ah a ngu läk ki. Boi Yesu cu Mateiu ah a im, ei nak ung a om yah ung ngui k’plam k’lok gui ni, chang omk’kaa gui Boi awn vuun ne ei a mi ei tu Pharisee gui noh ngu u neh ta i kia hlei ang? a mi saya ng’vai cu ngui k’plam k’lok gui ni, chang omk’kaa gui awn ei a täng a ei a ei tu ang ci ne kia u hleih a cun Yesu noh ng’za neh chang m’gai chang cu gai ki gui ah phäh ah kä kia ne go ki gui a phäh ah hlü ki. Cun ah kia hleih m’ghuukthaa nak ah kä kia ne k’chünga nak ka ng’ yahlü k’ki ci ah k’chü cu na mi hmat vai ah hteit ne ng’thei tu vä. A I kia hlei ci ung ni k’ki ka vai ah kä kia ne k’shek ki gui ka chü gui khai ah ka lo k’kia k’ki ci neh (Mt 9;12-13) ung pyein ca kia k’ki.
Bä ca Mateiu noh a guk ka ng’thu k’ni cu a mät ah buiawt hnguh hmat gui vah a guk ba ah kia hleih k’küim be neh cang tu ba ca kiak’ki. a ni cu Judea khaw ung Khanpughü ah bi abi konnah ghunkhaw hngilo lam ah ng’ däih ne Khanpughi ah mong lam m’thei m’thang ne ta a ca mät ta cang lam ah phäh ah a ngun pei ca kiak’ki.
Mik’mi gui phih bä ca Mateiu ah hlo ah Boi noh a na chü gui ng’za ne a hu mi läk hnging vai lah cang nak lam ung mi ghinlu mi peitak hnging vai mik’tha na ko.
