25th nak Kyün k’hngüp ng’thu k’ni

A sih vai-a màwng, a k’hngih veinák piéin ci.  

Cu zah-a kah lut lo neh Galilee khàw-ah hteit ci gùi. A u nawh phih a hmat vai kä ng’zák-hlü ci. 31 Cun tu pang-a phih, A-hlu-läk gùi cuh, m’thei gùi neh sin-ah piéin ci. “k’Chàng-ah htá cuh, k’chàng gùi-akut-ung àp u hleih ngami nawh ani cuh, ngáwn khai gùi. Ami ngáwn kon-ah a k’thum k’hngüp ung ghing lo bà khai.

Cun-ahk’chü cuh, ngami nawh kä hmat ci gùi. Ami ng’si vai-ah phih kiü’ci gùi.

U-ang a bä pí?

Cãpernaum-ah gok ci gùi. Im-ah gok lo u chüt-ah “Lam-ah a i nami piéin ci ang?” ci neh ng’si gùi ci.  Ngami läí cuh, düp-ah om ci gùi. A i-ah kia hleih ci ung ami mät ung a u a bä tu bà cuh, lam-ah ng’cuh ci gùi te.  Jesu nawh phih, ngoh-nehtah gha-leigoi chü gùi neh “Mà hlü ci cuh, avan-a hngú, avan-a phàn-ah k’chàng-ah, kia hlä,” ci neh ami vàn am piéin ci.  A k’hmó htá lah neh ami ng’lung-ah m’düih nehtah k’pòm neh ngami àm a piéin lo cuh, “Sin-a hlo-ah a k’hmó cuh, kei-ah ng’ming awn dàw ci nawh kei mät na dàw ci. Kei na dàw ci nawh kei-ah kä kia ci. Kei na tüi lo ci mät dàw ci.