Bä ca John Chrysostom ah ghünlu a mong

Bä ca John Chrysostom Christukum Phya thum lah plikipleichüih ung Turiky Ghunkhaw, Antioch Manggio ung ng’tüi ciah kya ki. A ni cu Khanpughü ah mong lam m’theinkan thähla nak ung a ni ah a m’ming thang hleih Chrysostom( ghui m’gong) ci neh a ming a mi peit a kya ki. Pyeinhlak nak ung ng’ chüih cia   Libanioch a om nak ah Pyein hlak nak lam lah hguh hmat nak gui a ng’thei ng’thang tu konnah ni k’she m’cha ng’lang neh pyein ciah hluki k’shä tumat a a kiaa vai k’ngah tüih man te ki. Antioch Taigü Maang a phäh a am’lung nga ng’hlat lo neh a khokum ghaleichüit ung Taigü Boi ah kya tu khai ah a m’lung phupit ciah kya ki. Christu kum Phya thum lah chüikipleichuk ung Taigü Boi ah kia lo neh, Phya k’thum lah k’kokipleichüit, Constantinoble manggio ung Taigü Maang kya neh Khanpughü a bi bi ciah kya ki. A ni cu dudong yaica ki gui am nguighui peita gui neh m’htei gui ne ta mä, a om k’ih awn phih kyai, a m’gong awn phih kyai k’chang gui ah ni nak vai lam pyang tham neh m’shüm gui ca kya ki. A ni cu lang neh  ge ca m’theinkhan nak awn m’ming k’ni gah ca kya ki. A ni cu linggai neh ghatghum ci gui ah Maang im k’äih gaakap gui ah k’dukdei nak lah khok’pung ung ka noh a mi got täm nak awn yai lo neh Christukum Phya kpli lah k’chüih ung shi ki.

 Bä ca John Chrysostom a hlo ah Khanpughü a cang ah yum äp nak awn k’chang gui a yok’kaa nak kä kiüh ein ne dodung yaica ki gui k’chünga ne mi m’htei m’hta gui hnging vai a mi tha na tu ko.