19th June 2025
Nami k’tài gü lo ung phih, kä zùm ci gùi vai hlü-ah, k’chü a k’dá kä nami piéin vai. A i-ah kia hleih ci ung ngamí nawh a k’dá ami piéin ung vah, ami sãn bé khai-ah ’ngài ci gùi. Cun-ah kia hleih, ngamí kä nami bang eìn tu gùi vai. A i-ah kia hleih ci-ung, Nangmí ung hlü ci gùi cuh kä nami sãn pha gé ung nami Pá nawh hmat ci. Cun-ah kia hleih, si chà-ah nami sãn vai. “Khãnmòpí-ah om ci-ah kami Pá aw, na ng’mìng m’tãm vai-ah kia hlä. Na bänák avan ung zat hlä. Nang ng’zák hlü Khãnmòpí-ah ami ng’ngaih a hlo-ah, khaw m’dek-ah ’khãn ah phih kng’ngaih tu vai-ah kia hlä. Tuh-ngói hlü ci-ah èi vai cuh, na ’chü hngà tu gùi-ä. Na katnák ci gùi, kami m’gein-a hlo-ah, kami ning katnák cun phih na m’gein tu gùi-ä. Kat lamcuh na m’choh gùi neh khaw-’nget ung-kah, na k’phión tu gùi ä. Amen.” ci ne nami k’taigü vai.
A i-ah kia hleih ci ung nangmi nawh k’chàng gùi-ah kat, nami k’phión-ah a kia ung Khãnmòpí-ah om ci-ah nangmi-ah pá nawh phih nangmi-ah kat gùi cuh ning k’phión gùi khai. Nangmí nawh k’chàng gùi-ah kat kä nami k’phión läi ung nami Pá nawh nangmi-ah kat kä ning k’phión gùi khai.
Bawi hmat noh ana m’thei gui ah k’taigü nak a kya ci. Mik mi gui noh mi gah pi ah kya neh veng veng ah mi m’cuk ci ah kya ci. Cun a kya hleih ng’ngah tüh neh mi pyein vai ah kya ci. Khanpughi mi ng’hungpa, mi m’tam, mi kat nak a phäh a phyion nak gah vai k’taigü ah kya ci. Khanpughi mi äp, kä mi ng’kyüm be nak gui cuh mi shüm ba, Khanpughi bäng mi ng’ngaih U vai ci ah ana m’thei gui hlü a kya ci.
