18 Bä ciah Helena ah ghünlu a mong
Constantine the Great ah nu ah kya ciah Bä ciah Helena cu AD 246- 248 yah ung Asia Minor, Drepanum, Bithynla ung ng’tüi ciah kya ci. A ni cu k’hngi kyak lam Roma Mâng im ng’toi ne uk ciah Constantius Chlorus awn ng’khah ci goi te ghunkho mong lam ung hlüngtai tub a ciah k’kyawng khui ng’yak hlü ne a cei no a nong ah kya ci. A nu a shih kon ah Constantaine no a Nu a m’hlüngtai nak ah Mâng ciah pakkhui cu do ne m’htei ne om ciah kya ci. A ni ah ng’büh ng’mang nak lah k’chang gui ah khan ah a kho mang gui hnging ah phäh ah Helana cu Mâng im pei om ci gui ah yumtu ng’bum gui am nguighui awn gunhtot gui ne a mät no a mät gänap ne om ciah kya ci. A khokum k’chüitkip ung a ni cu cang ciah sing m’kang k’tung shui khai ah htitheing ciah kho m’dek ah hteit ciah kya ci.
Christu kum 326 ung a ni ah ng’htoi ung ka gui no shing m’kang k’tung k’thum a mi m’dang ah kya ci. Jerusalem Mânggo ung ka St. Macarius no a k’nga k’phlang nak awn a ni no a cun gui cu goi ci ah k’hngumi tumat am a mi peit ah kya ci. A cun ah shing m’kang tung tumat yap hleih a cun ah goi ciah k’hngumi cu cäicat vai ah a m’neh nak ung ka no gai ba ci. A cun cu Helena no cang cang ci ah shing m’kang k’tung ah a hmat ah kya ci. Helena no a cun ung Phaya Kyawng co ne a pit a m’ton ah kya ciah shing m’kang k’tung cu Roma lah Constantinoble ung a m’khäh ah kya ci. September k’cha cu htitheing ciah shing m’kang k’tung ah poi ah kya hleih a cun ah shing m’kang a mi hnguh man cu shüm ba hti ah kya ci. Na k’pyhon gui caih Boi Yesu ah cang ciah shing m’kang k’tung cu Bä ciah Helena no shui ne a hnguh ah kya ci.
